Verdens beste bolledeig

Når eg skal laga bollar eller anna søt gjærbakst, bruker eg alltid den same oppskrifta. Ingen vits å prøva andre oppskrifter når ein har funne den beste! Eg har fått oppskrifta av mamma. Oppskrifta gir 50-60 bollar om det er bollar ein vil baka, men ho passar godt til ulike typar kringler, – og sjølvsagt bollar i alle variantar.

Oppskrift:

– 1 liter h-mjølk

– 200 g margarin

– 2 pk gjær

– 2 egg

– 2.5 dl sukker

– 3-4 ts kardemomme

– 0.5 ts salt

– Kveitemjøl til det vert passe mjuk deig, – går godt og vel 2 kg.

Smelt smøret i ei gryte som rommar minst 1.5 liter. Når smøret har smelta: Ha oppi mjølka. Varm litt opp til blandinga vert lunka (37 grader, test på handleddet). Ha oppi gjæren og løys han opp. Ta egga oppi blandinga, og rør godt. Så pleier eg å ha blandinga over i kjøkkenmaskinen min og starta den. (Absolutt fint med kjøkkenmaskin til så stor oppskrift!) Ha i sukkeret, kardemommen, saltet og til slutt kveitemjølet. Det går godt og vel 2 kg, men ha i litt og litt til deigen er passe mjuk.

Hev deigen ca 30 minutt i bollen under plastfolie.

Lag så det du måtte ønska!

Hev ein gong til, gjerne ein time, og steik så midt i omnen på 240 grader i ca 7 minutt (for vanlege bollar). Kringler kan steika ved 220 grader i 15-20 minutt nedst i omnen.

Tips: Deigen hevar ein god del, så spar litt plass til at emna eser ut!