Regia sjokoladekake

Det må bakast litt no i april, så i går laga eg sjokoladekaka som står på eskene til Regia-kakaoen. Veldig enkel og grei, og røra smakar i alle fall veldig godt :) (Har ikkje testa kaka steikt endå, altså.)

Kakebotn:

– 2 egg

– 250 g sukker (2 3/4 dl)

– 150 g margarin

– 250 g kveitemjøl (4 dl)

– 3 ss Regia Orginalkakao

– 2 ts bakepulver

– 2 ts vaniljesukker

– 1,5 dl mjølk

Pisk eggedosis av egg og sukker. Smelt margarin, avkjøl og hell i eggedosisen. (Viktig å venta til margarinen er avkjølt, elles kan egga verta øydelagde.) Sikt i det tørre. Ha i mjølk og rør deigen jamn. Så skal det i rund kakeform med bakepapir i botn. Du kan bruke 22-24 cm form slik oppskrifta seier, eller 26 cm slik eg gjorde. Steik kaka ved 180 grader. I 45-60 minutt om du har dei minste formene. 35 minutt var passe til 26 cm. Her er det bare å prøve seg fram med ein strikkepinne!

Glasur:

– 100 g melis (godt og vel 1,5 dl)

– 3 ss kakao

– 1 ts vaniljesukker

– 2-3 ss vatn

Sikt det tørre saman, og ha i litt og litt vatn til det er passe tjukt. Oppå glasuren la eg kvite sjokoladedropar. Kaka er fin å frysa!