Potetkaker

I eit forsøk på å læra ulike typar takkebakst har eg i dag laga «potetmoskaker». Vanlege potetkaker blir jo laga av poteter, men første gong må det vera lov å baka med potetmos ;)

Ingrediensar

– 180 g potetmos (brukte Mills, men merket er det same så lenge det ikkje er krydder eller grasløk i…)

– 1 dl kveitemjøl

– 6 dl lunka vatn

Slik gjer du det:

Bland potetmos og kveitemjøl, og vend inn vatnet. La det stå og trekka litt i eit par minutt.

Varm opp takka eller steikepanna til middels varme. Finn fram eit grytelokk eller anna du kan stikka ut lompene med, ca 15 cm diameter. Det blir 14-15 lomper av denne porsjonen. Kjevle lompene ut med ein del mjøl slik at dei slepp benk og reiskap lett. Steik på tørr takke eller steikepanne, og vend dei eit par gonger undervegs i steikinga. Fjern mjøl frå takka/steikepanna undervegs, slik at det ikkje smaker brent.

Legg ferdigsteikte lomper i ein stabel inni eit kjøkenhandkle slik at dei vert mjuke.

Lompene er kjempegode ferske, og også gode å frysa. Server med smør og sukker.