Mørlefser

Eg har store planar om å bruke takka ein del i sommar! I dag har eg tatt ho fram og brukt ho for første gong, så nå vågar eg ikkje å ta ho vekk igjen ;) Mørlefser var dagens bakverk. Desse har eg aldri laga før, og det er ikkje så stor tradisjon for å laga dei på heimegarden heller, så det var litt nytt for meg. Må visst finna eit triks for å få dei til å bli meir runde, elles var dei gode! Oppskrifta er henta frå den store «Frå bollar til burritos»-kokeboka vi fekk på skulen.

Ingrediensar:

– 2 egg

– 2 dl sukker

– 2 dl mjølk

– 1 liter kveitemjøl

– 2 ts hornsalt

– 2 ts bakpulver

– 100 gr mjukt smør, smelta.

Slik gjer du det:

Visp eggedosis av egg og sukker. Rør inn mjølka. Bland saman det tørre: kveitemjøl, hornsalt og bakepulver, og bland dette raskt inn i eggedosisblandinga. Rør til slutt inn det smelta smøret. Deigen vil bli laus og mjuk. Del han i 16 like store emner, og kjevle dei ut til ca 15 cm diameter. Steik på ei tørr steikepanne eller ei takke. Legg lefsene oppå kvarandre på eit brett til avkjøling.

Denne flotte sukkerskåla kjem frå Kitengela glassblåseri i Kenya, litt utanfor Nairobi. Ta turen dit om du er i nærleiken :)