Kort til julemesse

Det er haust, og haust betyr førebuingar til julemessa! Inntektene går til bygging av nytt bedehus, og så er det jo eit poeng å samle bygda ein dag før jul og ha det kjekt saman. I fjor hadde mange bidratt med mykje fint, men det blei jammen litt for lite å selga. Så i år lager vi det vi kan klare :) Det kjem kort, pynta sjokoladeesker i ulike variantar, pynta teesker og MYKJE fint som skal heklast og strikkast og syast og bakast og snekrast. Spennande å sjå resultatet! Eg har såvidt komme i gang med mine bidrag, har starta med kort. Det blir litt julekort, men mest bursdagskort og nyfødd-kort.

Heimelaga = ingenting likt! Det er kanskje ikkje så lett å sjå her, men det går altså ein saum langs kanten på det ytste laget pyntepapir.

Denne teboksen er ikkje til julemessa, den må eg har på kontoret. Men sånn kan det gjerast med teesker i alle fall!